《當飛機遇上氣流》
我搭飛機番香港果日遇到好恐怖嘅氣流！
我仲記得果日香港落紅雨（20號夜晚）
天氣好差
飛機廣播話天氣差要喺天度盤旋多40min再降落，
我同2個朋友仔仲好開心咁玩鬥地主tim
玩玩下突然架飛機搖左2下
飛機遇到氣流成日都會發生
啲乘客起初都無野，有人仲大笑tim
點知跟住架飛機又搖多2下，成架機狂震
啲乘客終於開始驚啦
跟住突然有一下搖到有聲又有離心力！
好多人都嚇到大叫
然後架機繼續不停咁搖晃，又黎多下離心搖，又震晒，停幾秒，之後又搖番
啲人不停咁嗌
我就跟埋一齊嗌
好似拍緊空難片
真係好驚呀大佬！
果刻真係有諗過會唔會死左！
好彩有2個好朋友喺左右
我地拖住出晒手汗嘅手仔
最後成功降落😭😭😭😭
我諗e次係我搭飛機咁多次最恐怖嘅一次
原來離死亡咁近但又咩都做唔到嘅感覺係咁恐怖
平時番工見人死都見到麻目
我以為我唔會驚死
但當成件事發生喺自己身上嘅時候
我先知死亡係咁恐怖😨😨😨😨
開始佩服啲高空服務人員！
要承擔一份high risk job, 一定要好有勇氣！
多謝你地!
PS 我短期內唔會再搭airasia😰😰😰
如果我果日搭嘅係CX，我應該唔會咁驚😰😰😰😰
Search